വേണാട് എക്സ്പ്രസിലെ തിക്കിലും തിരക്കിലും പെട്ട് ഇന്നും യാത്രക്കാരി കുഴഞ്ഞു വീണു. ചങ്ങനാശ്ശേരി സ്വദേശിനി ജോവിറ്റയാണ് കുഴഞ്ഞു വീണത്. തിരുവനന്തപുരം-എറണാകുളം വേണാട് എക്സ്പ്രസിലാണ് സംഭവം. യാത്രയ്ക്കിടെ യുവതിക്ക് ദേഹാസ്വാസ്ഥ്യം അനുഭവപ്പെട്ട് കുഴഞ്ഞുവീഴുകയായിരുന്നു.
വേണാട് എക്സ്പ്രസില്‍ കഴിഞ്ഞ തിങ്കളാഴ്ചയും രണ്ട് സ്ത്രീകള്‍ കുഴഞ്ഞു വീണിരുന്നു. വാതില്‍പ്പടികളിലും ശുചിമുറികളിലും ഉള്‍പ്പെടെ സുരക്ഷിതമല്ലാത്ത സ്ഥലങ്ങളില്‍ യാത്ര ചെയ്യേണ്ടി വരുന്നതിനെ കുറിച്ച് യാത്രക്കാര്‍ പരാതിപ്പെട്ടിരുന്നു.