സെന്റ്പീറ്റേഴ്‌സ്ബര്‍ഗ്: പെനാല്‍റ്റി ഷൂട്ടൗട്ട് വരെ നീണ്ട യൂറോ കപ്പിലെ സ്‌പെയിന്‍ സ്വിറ്റ്‌സര്‍ലന്റ് മത്സരത്തില്‍ സ്‌പെയിനിന് ആവേശോജ്വല ജയം. ഇതോടെ സ്‌പെയിന്‍ സെമി ഫൈനലില്‍ പ്രവേശിച്ചു. നിശ്ചിത സമയത്തും അധിക സമയത്തും 1-1 സമനിലയില്‍ നിന്ന മത്സരം ഷൂട്ടൗട്ടിലേക്ക് നീളുകയായിരുന്നു. ഷൂട്ടൗട്ടില്‍ 3-1നാണ് സ്‌പെയിനിന്റെ ജയം.
ഉനൈ സിമോണിന്റെ തകര്‍പ്പന്‍ സേവുകളാണ് സ്‌പെയിനിനെ സെമിയിലെത്തിച്ചത്. യാന്‍ സോമ്മറിന്റെ തകര്‍പ്പന്‍ സേവുകള്‍ വഴി സ്വിസ്റ്റ്‌സര്‍ലന്റിന് ഷൂട്ടൗട്ട് വരെ കളി നീട്ടിക്കൊണ്ടു പോവാനുമായി. തോറ്റെങ്കിലും സ്വിസ് ഗോള്‍ കീപ്പര്‍ സോമര്‍ തന്റെ പോരാട്ട വീര്യം കൊണ്ട് ജനഹൃദയത്തില്‍ തൊട്ടു.
നിശ്ചിത സമയത്ത് ഷെര്‍ദാന്‍ ഷാക്കിരി സ്വറ്റ്‌സര്‍ലന്റിനായി ഗോള്‍ നേടി. പിന്നാലെ ഡെന്നിസ് സാക്കറിയുടെ വക സെല്‍ഫ് ഗോള്‍ വന്നതോടെ സ്‌പെയിനിനും ഒന്നായി. ഡാനി ഓല്‍മോ, ജെറാര്‍ഡ് മൊറേനോ, മികേല്‍ ഒയാര്‍സബാല്‍ എന്നിവര്‍ സ്‌പെയിനിനായി ഷൂട്ടൗട്ടില്‍ ഗോളുകള്‍ നേടി.