റിസോര്‍ട്ട് വിഷയത്തില്‍ ഇ.പി ജയരാജനെതിരെ അന്വേഷണമുണ്ടാകില്ലെന്ന് സി.പി.എം സംസ്ഥാന സെക്രട്ടറി എം.വി ഗോവിന്ദന്‍. സംഭവം വെറും മാധ്യമസ്ൃഷ്ടിയാണെന്നും ആരോപണം നടത്തിയത് അന്വേഷിക്കുമെന്നും അദ്ദേഹം പറഞ്ഞു. ഇ.പി ജയരാജന്‍ അനധികൃതമായി സ്വത്ത് സമ്പാദിച്ചാണ് കണ്ണൂര്‍ വെള്ളിക്കലില്‍ റിസോര്‍ട്ട് പണിതതെന്ന ആരോപണം പി.ബിയുടെ പരിഗണനയില്‍ നേരത്തെ വന്നിരുന്നു.
കേന്ദ്രകമ്മിറ്റി അംഗത്തിനെതിരെയാണ് ആരോപണമെങ്കിലും സംസ്ഥാനത്തുണ്ടായ പ്രശ്‌നമായതിനാല്‍ സംസ്ഥാന കമ്മിറ്റി പരിശോധിക്കട്ടെ എന്ന നിലപാടാണ് പി.ബി അന്ന് സ്വീകരിച്ചിരുന്നത്. ജയരാജനെതിരെ അന്വേഷണമുണ്ടാകില്ലെന്ന് നേരത്തെ വാര്‍ത്തകള്‍ പുറത്ത് വന്നിരുന്നു.