ഇംഗ്ലണ്ടിനെതിരായ ലോകകപ്പ് പോരാട്ടത്തില്‍ ശ്രീലങ്കയ്ക്ക് അനായാസ വിജയം. ഇംഗ്ലണ്ട് നേടിയ 157 റണ്‍സ് എന്ന താരതമ്യേന ചെറിയ സ്‌കോര്‍ രണ്ടു വിക്കറ്റ് നഷ്ടത്തില്‍ 25.4 ഓവറില്‍ ശ്രീലങ്ക മറികടന്നു. ശ്രീലങ്കയ്ക്ക് വേണ്ടി ഓപ്പണര്‍ പതും നിസ്സങ്ക പുറത്താകാതെ 77 റണ്‍സ് നേടി. 83 പന്തില്‍ രണ്ടു സിക്‌സിന്റെയും ഏഴു ഫോറുകളുടെയും നേടിയതാണ് ഇന്നിംഗ്‌സ്.
അഞ്ചു മത്സരങ്ങളില്‍ നാലും തോറ്റ ഇംഗ്ലണ്ടിന്റെ സെമി പ്രവേശനം ഇതോടെ ഏറെ കുറേ അവസാനിച്ചു. നേരത്തെ, ഇംഗ്ലണ്ട് ഓപണര്‍മാരായ ബെയര്‍സ്‌റ്റോയും(30) ഡേവിഡ് മലാനും(28) ഭേദപ്പെട്ട തുടക്കം നല്‍കിയെങ്കിലും പിന്നീട് ചീട്ടുകൊട്ടാരം പോലെ തകര്‍ന്നടിയുകയായിരുന്നു. 43 റണ്‍സെടുത്ത ബെന്‍ സ്‌റ്റോക്‌സാണ് ഇംഗ്ലണ്ടിന്റെ ടോപ് സ്‌കോറര്‍. ലങ്കക്ക് വേണ്ടി ലാഹിരു കുമാര മൂന്നും എഞ്ചലോ മാത്യൂസ്, കാസുന്‍ രജിത എന്നിവര്‍ രണ്ടു വിക്കറ്റ് വീതം നേടി.