അഹമ്മദ് ബിന്‍ അലി സ്‌റ്റേഡിയത്തില്‍ ഇന്ന് അയല്‍ക്കാരുടെ അങ്കം. ഇംഗ്ലണ്ടും വെയില്‍സും നേര്‍ക്കുനേര്‍. ഒരു ജയവും സമനിലയുമായി ഗ്രൂപ്പില്‍ ഒന്നാമത് നില്‍ക്കുന്ന ഗാരത്ത് സൗത്ത് ഗെയ്റ്റിന്റെ സംഘത്തിന് ഇന്ന് തോല്‍ക്കാതിരുന്നാല്‍ മതി. ആദ്യ മല്‍സരത്തില്‍ ഗോള്‍ വേട്ട നടത്തിയ അവരുടെ മുന്‍നിരക്കാര്‍ അമേരിക്കക്കെതിരായ രണ്ടാം മല്‍സരത്തില്‍ നിറം മങ്ങിയിരുന്നു.
വെയില്‍സിനാവട്ടെ ഒരു തോല്‍വിയും ഒരു സമനിലയും. ഗാരത്ത് ബെയിലിന്റെ സംഘം നാട്ടിലേക്കുള്ള മടക്ക ടിക്കറ്റ് വാങ്ങിയിട്ടുണ്ട്. പക്ഷേ ഇന്ന് ഇംഗ്ലണ്ടിനെ തോല്‍പ്പിക്കാനായാല്‍ നേരിയ സാധ്യത കൈവരും.