മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി ആയിരുന്ന എം. ശിവശങ്കറിന് ഇ.ഡി നോട്ടീസ്. ലൈഫ് മിഷന്‍ കേസിലാണ് ഇ.ഡി നോട്ടീസ് അയച്ചത്. ചൊവ്വാഴച കൊച്ചിയില്‍ ഹാജരാകാനാണ് നിര്‍ദേശം.
നേരത്തെ ഈ കേസില്‍ സ്വപ്‌ന സുരേഷിന്റെയും സരിത്തിന്റെയും യുണിടാക് ഉടമ സന്തോഷ് ഈപ്പന്റെയും മൊഴി ഇ.ഡി രേഖപ്പെടുത്തിയിരുന്നു. ഇതിന് പിന്നാലെയാണ് ശിവശങ്കറിന് നോട്ടീസ് നല്‍കിയത്. ചൊവ്വാഴ്ചയാണ് ശിവശങ്കര്‍ സര്‍വീസില്‍ നിന്ന് വിരമിക്കുക. അതിനാല്‍ ഇ.ഡിക്കു മുന്നില്‍ ഹാജരാകുന്നത് മറ്റൊരു ദിവസത്തേക്ക് മാറ്റണമെന്ന് ശിവശങ്കര്‍ ആഴശ്യപ്പെട്ടിട്ടുണ്ട്.