മാവേലിക്കരയില്‍ ഡിവൈഎഫ്‌ഐ-എസ്ഡിപിഐ സംഘര്‍ഷത്തില്‍ ഒരാള്‍ക്ക് കുത്തേറ്റു. മാവേലിക്കര മാങ്കാങ്കുഴി യൂണിറ്റ് ഡിവൈഎഫ്‌ഐ സെക്രട്ടറി അരുണിനാണ് കുത്തേറ്റത്.
രണ്ട് ബൈക്കുകള്‍ തമ്മില്‍ കൂട്ടിയിടിച്ചതിനെ തുടര്‍ന്ന് ഡിവൈഎഫ്‌ഐ-എസ്ഡിപിഐ സംഘാംഗങ്ങള്‍ സംഘര്‍ഷത്തിലേര്‍പെടുകയായിരുന്നു. ഇന്നലെ അര്‍ധ രാത്രിയോടെയാണ് സംഭവം. വിഷയം പറഞ്ഞു തീര്‍ക്കാന്‍ ഒരുമിച്ചിരുന്ന ശേഷമാണ് തര്‍ക്കമുണ്ടായത്.
സംഘര്‍ഷത്തിനിടെ മറ്റു രണ്ടു പ്രവര്‍ത്തകര്‍ക്ക് കൂടി പരിക്കേറ്റിട്ടുണ്ട്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.