ദുബൈ: ഈ വര്‍ഷത്തെ പരിശുദ്ധ ഹജ്ജ കര്‍മ്മത്തിന് പോകുന്നവര്‍ക്ക മെച്ചപ്പെട്ട യാത്രാ സൗകര്യം ഏര്‍പ്പെടുത്തിയതായി ദുബൈ വിമാനത്താവള അധികൃതര്‍ അറിയിച്ചു.ആദ്യഹജ്ജ് വിമാനം ഈ മാസം 22ന് പുറപ്പെടും. ചെക്ക്-ഇന്‍, എമിഗ്രേഷന്‍ നടപടിക്രമങ്ങള്‍ എന്നിവക്കായി പ്രത്യേക കൗണ്ടറുകള്‍ സജ്ജീകരിക്കുന്നുണ്ട്. ഹജ്ജ് വിമാനങ്ങള്‍ക്കായി പ്രത്യേക ഡിപ്പാര്‍ച്ചര്‍ ഗേറ്റുകളുമുണ്ടായിരിക്കും. യാത്രക്കാര്‍ നാലുമണിക്കൂര്‍ മുമ്പ്തന്നെ എയര്‍പോര്‍ട്ടില്‍ എത്തിച്ചേരണം.
ദുബായ് പോലീസ്, ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്‌സ് അഫയേഴ്‌സ് (ജിഡിആര്‍എഫ്എ), ദുബായ് കസ്റ്റംസ്, ദുബായ് ഹെല്‍ത്ത് അതോറിറ്റി, ഡനാറ്റ, എമിറേറ്റ്‌സ്, ഫ്ളൈ ദുബായ്, സൗദി എയര്‍ലൈന്‍സ്, ഫ്ളൈ നാസ് എന്നിവയുള്‍പ്പെടെയുള്ളവരുടെ പ്രത്യേക സേവനങ്ങള്‍ ഇവിടെ ലഭ്യമായിരിക്കും.