സിന്തറ്റിക്ക് മയക്കുമരുന്ന് ഇനത്തില്‍പ്പെടുന്ന എംഡിഎംഎ അടക്കമുള്ള ലഹരിവസ്തുക്കളുമായി 3 യുവാക്കള്‍ പൊലീസ് പിടിയില്‍. ആറാന്തനം രത്‌ന നിവാസില്‍ മുഹമ്മദ് അല്‍ത്താഫ് (28), കാട്ടുംപുറം താളിക്കുഴി ബ്ലോക്ക് നമ്പര്‍ 21 എ. അനു (26), മിതൃമ്മല മഠത്തുവാതുക്കല്‍ കുന്നുംപുറത്ത് വീട്ടില്‍ ജി. അനന്തകൃഷ്ണന്‍ (24) എന്നിവരാണ് അറസ്റ്റിലായത്.
കിളിമാനൂര്‍ പൊലീസ് സബ് ഇന്‍സ്‌പെക്ടര്‍ വിജിത്ത് കെ.നായര്‍, രാജികൃഷ്ണ, എസ്.ഐ രാജേന്ദ്രന്‍, എസ്.പി.പി.ഒ മഹേഷ്, ഡാന്‍സാഫ് ടീം അംഗങ്ങളായ എസ്.ഐ. ഫിറോസ്, ബിജു ഹക്ക്, എസ്.ഐ.ബിജു കുമാര്‍, ദിലീപ്, സിപിഒ അനൂപ്, വിനീഷ്, സുനില്‍രാജ് എന്നിവരടങ്ങിയ സംഘമാണ് പ്രതികളെ പിടികൂടിയത്.