വിമാനത്തിന്റെ വാതിലിന് തകരാർ കണ്ടെത്തിയതിനെ തുടർന്ന് നെടുമ്പാശ്ശേരിയിൽ യാത്രക്കാരെ വിമാനത്തിൽ നിന്ന് ഇറക്കി. രാത്രി 8.30നു റിയാദിലേക്ക് പുറപ്പെടേണ്ടതായിരുന്ന സഊദി എയർ ലൈൻസ് വിമാനത്തിലാണ് തകരാർ കണ്ടത്. 120ഓളം യാത്രക്കാരെയാണ് പുറത്തിറക്കിയത്. യാത്രക്കാരെ മുന്നറിയിപ്പ് കൂടാതെ പുറത്തിറക്കിയത് ചെറിയ തോതിൽ സംഘർഷത്തിന് ഇടയാക്കി. തകരാർ പരിഹരിച്ചതിന് ശേഷം യാത്ര തുടരുമെന്നാണ് അധികൃതർ അറിയിച്ചത്.