കോളേജ് ക്യാമ്പസുകളിലും സ്‌കൂളുകളിലും ആഘോഷങ്ങള്‍ അതിരുവിടരുതെന്ന മുന്നറിയിപ്പുമായി മോട്ടോര്‍ വാഹന വകുപ്പ്.ആഘോഷ ദിവസങ്ങളിലും ഇലക്ഷന്‍ ആര്‍ട്‌സ്‌ഡേ തുടങ്ങി മറ്റ് പ്രധാനപ്പെട്ട ദിവസങ്ങളിലും വാഹനങ്ങളുമായി ക്യാമ്പസില്‍ വരുന്നതും ക്യാമ്പസിനകത്തും , പുറത്തും അപകടകരമായ രീതിയില്‍ വാഹനങ്ങള്‍ ഉപയോഗിക്കുന്നത് അപകടം ക്ഷണിച്ചുവരുത്തുന്ന ഒന്നാണെന്ന് മോട്ടോര്‍ വാഹന വകുപ്പ് മുന്നറിയിപ്പു നല്‍കുന്നു.
മോട്ടോര്‍ വാഹന വകുപ്പ് ഫെയ്‌സ്ബുക്കില്‍ പങ്കുവെച്ച കുറുപ്പിന്റെ പൂര്‍ണരൂപം
അതിരുവിടരുത് ആഘോഷങ്ങള്‍..!
സമീപകാലത്തായി കലാലയങ്ങളില്‍ പ്രധാനപ്പെട്ട ആഘോഷ ദിവസങ്ങളിലും ഇലക്ഷന്‍ ആര്‍ട്‌സ്‌ഡേ തുടങ്ങി മറ്റ് പ്രധാനപ്പെട്ട ദിവസങ്ങളിലും വാഹനങ്ങളുമായി ക്യാമ്പസില്‍ വരുന്നതും ക്യാമ്പസിനകത്തും , പുറത്തും അപകടകരമായ രീതിയില്‍ വാഹനം ഓടിക്കുന്നതും അഭ്യാസ പ്രകടനങ്ങള്‍ കാണിച്ച് മറ്റുള്ളവരുടെമുന്നില്‍ ഹീറോയാകാന്‍ ശ്രമിക്കുന്നതും കൂടിവരുന്ന സാഹചര്യമാണ് ഉള്ളത്, ചിലപ്പോള്‍ ലഹരിയുടെ അകമ്പടി കൂടി ആകുമ്പോള്‍ ഇത് അത്യന്തം അപകടകരമായ സാഹചര്യമാണ് വിളിച്ചുവരുത്തുന്നത്. പലപ്പോഴും ഓടിച്ച് പരിചിതമല്ലാത്ത വാഹനങ്ങള്‍ കടമെടുത്ത് ആയിരിക്കും ഇത്തരം ആഘോഷങ്ങള്‍ക്ക് എത്തുക, പവര്‍ സെഗ്മെന്റ് വാഹനങ്ങള്‍ ഇത്തരത്തില്‍ ഉപയോഗിക്കുന്നത് വളരെയധികം അപകടങ്ങള്‍ ക്ഷണിച്ചു വരുത്തുന്ന ഒന്നാണ്.
ക്യാമ്പസ് മാനേജ്‌മെന്റും, അദ്ധ്യാപകരും , രക്ഷിതാക്കളും ഇക്കാര്യത്തില്‍ വളരെയധികം ശ്രദ്ധ പുലര്‍ത്തേണ്ടതുണ്ട്. കഴിയുന്നതും വാഹനങ്ങള്‍ ഇത്തരം ആഘോഷങ്ങള്‍ക്കായി നല്‍കാതിരിക്കുന്നതിന്ശ്ര ദ്ധിക്കേണ്ടതുണ്ട്.പൊതുസമൂഹത്തിന് അപകട ഭീഷണിയാകുന്ന ഇത്തരം അഭ്യാസ പ്രകടനങ്ങള്‍ ശ്രദ്ധയില്‍ പെട്ടാല്‍ അത്തരം പ്രകടനങ്ങളുടെ വീഡിയോ സഹിതം അതാത് ജില്ലയിലെ എന്‍ഫോഴ്സ്മെന്റ് ആര്‍ ടി ഓ മാരെ വിവരം അറിയിക്കാവുന്നതാണ്.