അതിരു കടന്ന ആരാധകരുടെ ആരാധനയില്‍ പ്രതികരണവുമായി നടന്‍ സല്‍മാന്‍ ഖാന്‍. ‘ടൈഗര്‍ 3’ എന്ന ചിത്രത്തിന്റെ റിലീസിനോടനുബന്ധിച്ച് തിയേറ്ററിനുള്ളില്‍ അപകടമാംവിധം സല്‍മാന്‍ ആരാധകര്‍ കരിമരുന്ന് പ്രയോഗം നടത്തിയിരുന്നു. സമൂഹമാധ്യമങ്ങളില്‍ വിഡിയോ വൈറലായതിനെ തുടര്‍ന്നാണ് അദ്ദേഹം പ്രതികരിച്ചത്.
‘ടൈഗര്‍ 3 പ്രദര്‍ശനത്തിനിടയില്‍ തിയേറ്ററിനകത്ത് പടക്കം പൊട്ടിച്ചതായി ഞാന്‍ കേട്ടു. ഇത് വളരെ അപകടകരമാണ്. മറ്റുള്ളവരെയും നമ്മളെതന്നെയും അപകടത്തിലാക്കാതിരിക്കാം. സുരക്ഷിതരായിരിക്കൂ,’ എന്നാണ് സല്‍മാന്‍ ഖാന്‍ എക്‌സ് പ്ലാറ്റഫോമില്‍ എഴുതി.