ബി.ജെപി നേതാവും മുന്‍ കേന്ദ്രമന്തിയുമായ മനേക ഗാന്ധിയുടെ പുതിയ പരാമര്‍മാണ് ഇപ്പോള്‍ നെറ്റിസണ്‍ന് ആഘോഷിക്കുന്നത്. കഴുതപ്പാല്‍ കൊണ്ടുള്ള സോപ്പ് ഉപയോഗിച്ച് കുളിച്ചാല്‍ സ്ത്രീകള്‍ സുന്ദരികളാകുമെന്ന മനേക ഗാന്ധിയുടെ പരാമര്‍ശമാണ് പരിഹാസത്തിന് കാരണം. യു.പിയിലെ സുല്‍ത്താന്‍പൂരില്‍ നടന്ന പരിപാടിക്കിടെയാണ് മനേകയുടെ പ്രസ്ഥാവന. കഴുതപ്പാലില്‍ നിര്‍മിച്ച സോപ്പ് ഉപയോഗിച്ചാല്‍ സ്ത്രീകളുടെ ശരീരം സുന്ദരമാകും. ഈജിപ്തിലെ രാജ്ഞി ക്ലിയോപാട്ര കഴുതപ്പാലില്‍ ആണ് കുളിച്ചിരുന്നത് എന്നാണ് മനേക പറഞ്ഞത്.
വളരെ പ്രശസ്തമായ രാജ്ഞിയാണ് ക്ലിയോപാട്ര. കഴുതപ്പാലിലാണ് അവര്‍ കുളിച്ചിരുന്നത്. എന്തുകൊണ്ട് സോപ്പുണ്ടാക്കാന്‍ കഴുതകളുടെ പാല്‍ ഉപയോഗിച്ചുകൂടാ? എന്നും മനേക ചോദിച്ചു. പരിപാടിയുടെ വീഡിയോ വൈറലാണിപ്പോള്‍. ലഡാകിലെ ആളുകള്‍ സോപ്പുണ്ടാക്കാന്‍ കഴുതപ്പാലാണ് ഉപയോഗിക്കുന്നതെന്നും മനേക സൂചിപ്പിച്ചു.