മക്ക: കാസര്‍കോട് സ്വദേശിയായ ഡോക്ടര്‍ മക്കയില്‍ മരിച്ചു. പൈവളിക സ്വദേശി ഡോ. കാദര്‍ കാസിം (എകെ കാസിം- 49) ആണ് മരിച്ചത്.
മക്ക ഏഷ്യന്‍ പോളിക്ലിനിക്ക് മാനേജറായും ഡോക്ടറായും ആറ് വര്‍ഷത്തോളമായി സേവനം അനുഷ്ടിച്ചുവരികയായിരുന്നു. ഹൃദയാഘാതമാണ് മരണകാരണം.
ഇദ്ദേഹത്തെ മൊബൈലില്‍ വിളിച്ചു മറുപടി ലഭിക്കാതായതോടെ താമസിക്കുന്ന മുറിയില്‍ അന്വേഷിച്ചെത്തിയപ്പോഴാണ് മരിച്ച നിലയില്‍ കണ്ടത്.
പിതാവ്: ഹമീദലി കമ്പാര്‍ (മുഗുളി ഹമീദ്), മാതാവ്: സുലൈഖ, ഭാര്യ: ജസീല, മക്കള്‍: കാമില്‍ കാസിം, ഷാമില്‍ കാസിം (എം.ബി.ബി.എസ് വിദ്യാര്‍ഥികള്‍), സഹോദരങ്ങള്‍: റസിയ ഹനീഫ ഉപ്പള, ഷമീമ അബ്ദുല്ല കയ്യാര്‍.