ബാറുകളിലേയും ഹോട്ടലുകളിലേയും ഗുണ്ടാ ഇടപെടല്‍ തടയുന്നതിന് വേണ്ടി തിരുവനന്തപുരം സിറ്റി പൊലീസ് ഡിജെ പാര്‍ട്ടികള്‍ സ്‌പോണ്‍സര്‍ ചെയ്യുന്നവരുടെ വിവരങ്ങള്‍ നിര്‍ബന്ധമായും പൊലീസിനെ അറിയിക്കണം. ഇത്തരം പരിപാടികള്‍ സംഘടിപ്പിക്കുന്ന സ്ഥലത്തേക്കുള്ള വഴിയിലും പുറത്തേക്കുള്ള വഴിയിലും സിസിടിവി ക്യാമറകള്‍ നിര്‍ബന്ധമാക്കി. ലഹരിമരുന്നോ ആയുധങ്ങളോ കൊണ്ടുവന്നാല്‍ അവര്‍ക്കെതിരെ കര്‍ശന നടപടി സ്വീകരിക്കും.
ഹോട്ടലുകളിലേക്കും ബാറുകളിലേക്കും മുഴുവന്‍ ജീവനക്കാര്‍ക്കും പൊലീസ് ക്ലീയറന്‍സ് സര്‍ട്ടിഫിക്കറ്റും നിരബന്ധമാക്കി. സംസ്ഥാനത്ത് ഈ അടുത്തായി ഗുണ്ടകളും ചില പൊലീസുകാരും ഇത്തരം കേന്ദ്രങ്ങളില്‍ നിക്ഷേപം നടത്തുന്നുവെന്ന ആരോപണം വലിയ തോതില്‍ ഉയര്‍ന്നിരുന്നു. ഈ സാഹചര്യത്തിലാണ് നടപടി.