മകളുടെ മുന്നിലിട്ട് അച്ഛനെ മര്‍ദ്ദിച്ച് കെഎസ്ആര്‍ടിസി ജീവനക്കാര്‍. ആമച്ചല്‍ സ്വദേശി പ്രേമനെയാണ് മകളുടെ മുന്നിട്ട് ജീവനക്കാര്‍ മര്‍ദ്ദിച്ചത്. കെഎസ്ആര്‍ടിസി കാട്ടാക്കട ഡിപ്പോയില്‍ ആണ് സംഭവം.
മകളുടെ കണ്‍സഷന്‍ അപേക്ഷ നല്‍കാനാണ് പ്രേമന്‍ കാട്ടാക്കട ഡിപ്പോയില്‍ എത്തിയത്. എന്നാല്‍ കണ്‍സഷന്‍ അനുവദിക്കാന്‍ മകളുടെ ഡിഗ്രി കോഴ്‌സ് സര്‍ട്ടിഫിക്കറ്റ് അടക്കം ഹാജരാക്കണമെന്ന് ജീവനക്കാര്‍ ആവശ്യപ്പെട്ടു. എന്നാല്‍ മൂന്നുമാസമായി താന്‍ ഇതിനുവേണ്ടി നടക്കുകയാണെും നിങ്ങളുടെ ഇത്തരത്തിലുള്ള സമീപനമാണ് കെഎസ്ആര്‍ടിസി നഷ്ടത്തിലകാന്‍ കാരണമെന്നും പ്രേമന്‍ പറഞ്ഞു. ഇതില്‍ പ്രകോപിതനായ ജീവനക്കാരന്‍ വാക്കു തര്‍ക്കത്തില്‍ ഏര്‍പ്പെടുകയും പിന്നാലെ മറ്റു ജീവനക്കാര്‍ എത്തി മകളുടെ മുന്‍പില്‍ ഇട്ട് പ്രേമനെ മര്‍ദിക്കുകയുമായിരുന്നു.
മകളുടെ മുന്നിലിട്ട് അച്ഛനെ ഉദ്യോഗസ്ഥര്‍ മര്‍ദ്ദിക്കുന്ന ദൃശ്യങ്ങള്‍ പുറത്ത് വന്നിട്ടുണ്ട്.മകളെയും മര്‍ദിച്ചതായും അറിയുന്നു.