കൊച്ചിയില്‍ ഡിജിറ്റല്‍ അറസ്റ്റ് തട്ടിപ്പ്. എളംകുളം സ്വദേശിയായ 85 കാരനില്‍ നിന്നും 17 ലക്ഷത്തിലധികം രൂപയാണ് തട്ടിയത്. ജെറ്റ് എയര്‍വെയ്‌സിന്റെ പേരിലായിരുന്നു തട്ടിപ്പ് നടന്നത്. കഴിഞ്ഞ മാസമാണ് സംഭവം.
ജെറ്റ് എയര്‍വേയ്‌സ് മാനേജ്‌മെന്റുമായി നടത്തിയ തട്ടിപ്പില്‍ അറസ്റ്റ് രേഖപ്പെടുത്തുന്നുവെന്ന് പറഞ്ഞായിരുന്നു കഴിഞ്ഞമാസം 22-ാം തീയതി പരാതിക്കാരനെ ഫോണില്‍ ബന്ധപ്പെട്ടത്. എന്നാല്‍ ഇതില്‍ നിന്ന് ഒഴിവാക്കുന്നതിന് ആദ്യം അയ്യായിരം രൂപ അയച്ചുതരാനും എന്നാല്‍ പിന്നീട് 27ന് വീണ്ടും വിളിച്ച് ഒരു ലക്ഷം രൂപ ആവശ്യപ്പെടുകയായിരുന്നു. 28ന് 16 ലക്ഷം രൂപയും സംഘം ആവശ്യപ്പെട്ടു. ഇങ്ങനെ ഒരു ലക്ഷത്തിലധികം രൂപയാണ് പരാതിക്കാരനില്‍ നിന്നും തട്ടിയെടുത്തത്.
ഡിജിറ്റല്‍ അറസ്റ്റ് തട്ടിപ്പുകളെ കുറിച്ച് അറിഞ്ഞ പരാതിക്കാരന്‍ സൈബര്‍ പൊലീസിനെ സമീപിക്കുകയായിരുന്നു. സംഭവത്തില്‍ എഫ്ഐആര്‍ രജിസ്റ്റര്‍ ചെയ്ത് പൊലീസ് അന്വേഷണം ആരംഭിച്ചു.