ദ കേരള സ്റ്റോറി സിനിമയുമായി ബന്ധപ്പെട്ട വിവാഹങ്ങള്‍ക്കിടെ തിരുവനന്തപുരത്തെ പാളയം മസ്ജിദും ഗണപതികോവിലും ഒരേ മതില്‍ പങ്കിടുന്നത് അറിയാമോ എന്ന ചോദ്യത്തിന് ഓസ്‌കാര്‍ വിന്നര്‍ റസൂല്‍ പൂക്കുട്ടി. മൈകേരളസ്റ്റോറി എന്ന ഹാഷ്ടാഗിനൊപ്പമാണ് അദ്ദേഹത്തിന്റെ ട്വീറ്റ്.
കേരള സ്റ്റോറി സിനിമ ഉയര്‍ത്തിയ വിവാദത്തിന് പിന്നാലെ നിരവധി പ്രമുഖര്‍ ശക്തമായ പ്രതിരോധവുമായി രംഗത്തെത്തിയിരുന്നു. കേരളം രാജ്യത്തിന് മാതൃകയായ സഹോദര്യത്തിന്റെയും ഒരുമയുടെയും സംഭവങ്ങളും നിരവധി പേര്‍ പങ്കുവെക്കാറുണ്ട്. സിനിമക്കെതിരെ തിയേറ്ററില്‍ തന്നെ 2018 എന്ന ചിത്രത്തിലൂടെ നല്‍കിയ മറുപടിയും ചിലര്‍ പങ്കിടുന്നു.
ദ കേരള സ്റ്റോറി സിനിമ കേരളത്തില്‍ 20 തിയേറ്ററുകളിലാണ് വെള്ളിയാഴ്ച പ്രദര്‍ശിപ്പിച്ചത്. സിനിമയുടെ പ്രദര്‍ശനം തടയണമെന്ന ആവശ്യം കേരള ഹൈക്കോടതി തള്ളിയിരുന്നു.