ഇന്ത്യന്‍ ക്രിക്കറ്റ് ചരിത്രത്തില്‍ ഒഴിച്ചുകൂടാന്‍ ആവാത്ത ഇതിഹാസ താരമാണ് മഹേന്ദ്ര സിങ് ധോണി. ക്രിക്കറ്റിനെ പോലെ അദ്ദേഹത്തിന് പ്രിയപ്പെട്ടതാണ് ഫുട്‌ബോളും. അദ്ദേഹം വലിയൊരു ലയണല്‍ മെസി ആരാധകന്‍ കൂടിയാണ്. അതിനുള്ള വലിയൊരു തെളിവാണ് ഇപ്പോഴുണ്ടായ സംഭവം. ലോകഫുട്‌ബോള്‍ ഇതിഹാസം ലയണല്‍ മെസ്സി ധോണിയുടെ മകള്‍ക്ക് നല്‍കിയ സമ്മാനം. ‘സിവക്കുവേണ്ടി’ എന്നെഴുതി കൈയ്യൊപ്പിട്ട അര്‍ജന്റീനന്‍ ടീമിന്റെ ജഴ്‌സിയാണ് സിവയെ തേടിയെത്തിയത്. ധോണി മകള്‍ ഈ ജഴ്‌സി ധരിച്ച് നില്‍ക്കുന്ന ചിത്രം ഇന്‍സ്റ്റഗ്രാംമില്‍ പങ്ക്‌വച്ചിരുന്നു. ഇതിനോടകം രണ്ട്‌ലക്ഷം പേരാണ് ഈ ചിത്രം ലൈക്ക് ചെയ്തത്.
താരം ഫുട്‌ബോള്‍ കളിക്കുന്ന വീഡിയോസ് സഹതാരങ്ങള്‍ പങ്ക്‌വച്ച വീഡിയോസ് ആരാധകര്‍ ഏറ്റെടുത്തിരുന്നു. അദ്ദേഹത്തിന്റെ ഫുട്‌ബോളിനോടുള്ള സ്‌നേഹത്തെപ്പറ്റി പരിശീലകന്‍ രവി ശാസ്ത്രി പറഞ്ഞിട്ടുണ്ട്. അതിന് വലിയൊരു തെളിവാണ് ഇന്ത്യന്‍ സൂപ്പര്‍ ലീഗില്‍ ധോണി ചെന്നൈയിന്‍ എഫ്.സിയുടെ സഹഉടമസ്ഥത നേടിയത്. ഇന്ത്യന്‍ ക്രിക്കറ്റ് ടീമിലെ ഏറ്റവും നല്ല ഫുട്‌ബോളറാണ് ധോണിയെന്ന് സഹതാരങ്ങള്‍ പല അഭിമുഖങ്ങളിലും പറഞ്ഞിട്ടുണ്ട്. അത്‌കൊണ്ട് തന്നെ ഫുട്‌ബോള്‍ താരങ്ങളുമായി അടുത്ത ബന്ധമാണ് താരത്തിനുള്ളത്.