കോഴിക്കോട് മെഡിക്കല്‍ കോളേജ് ഐസിയു പീഡനക്കേസിലെ അതിജീവിത സമരത്തിന് ഒരുങ്ങുന്നു. ആരോഗ്യമന്ത്രി വീണാ ജോര്‍ജിനെ നേരില്‍ കണ്ട് പരാതി നല്‍കിയിട്ടും അനുകൂല നടപടി ഉണ്ടായില്ലെന്ന് അതിജീവിത പറയുന്നു. ഇനിയും നടപടി ഉണ്ടായില്ലെങ്കില്‍ ആശുപത്രിക്ക് മുന്നില്‍ പ്രതിഷേധം ഇരിക്കുമെന്ന് അവര്‍ പറഞ്ഞു.
കുറ്റവാളികളെ സംരക്ഷിക്കാന്‍ ശ്രമം നടക്കുന്നുവെന്ന് ആരോപിച്ചാണ് ഇവര്‍ ആരോഗ്യമന്ത്രിയെ കണ്ടത്. എന്നാല്‍ എത്രയും വേഗം കാര്യങ്ങള്‍ നീക്കുമെന്നായിരുന്നു ആരോഗ്യ മന്ത്രിയുടെ ഉറപ്പ്. എന്നാല്‍ ഇത് പാലിക്കപ്പെട്ടില്ലെന്നും ഇവര്‍ പറയുന്നു.
കഴിഞ്ഞ മാര്‍ച്ച് 18നാണ് കേസിനാസ്പദമായ സംഭവം. ശസ്ത്രക്രിയ കഴിഞ്ഞ് ഐസിയുവില്‍ കിടന്ന സമയത്ത് അറ്റന്‍ഡര്‍ പീഡിപ്പിച്ചുവെന്നാണ് പരാതി.