ഈഴവ ഉദ്യോഗാര്‍ഥിക്ക് നിയമനം നിഷേധിച്ച കാലിക്കറ്റ് സര്‍വകലാശാലയുടെ നടപടി തെറ്റെന്ന് ഹൈക്കോടതി. ഈഴവ ഉദ്യോഗാര്‍ഥിയുടെ അവസരത്തില്‍ ഭിന്നശേഷി സംവരണം നല്കിയ നടപടിയാണ് ഹൈക്കോടതി തെറ്റെന്ന് നിരീക്ഷിച്ചത്. ഹരജിക്കാരിയായ കെ പി അനുപമയെ അസി. പ്രൊഫസറായി നിയമിക്കണമെന്നും സര്‍വകലാശാല സ്വീകരിച്ച ഭിന്നശേഷി സംവരണ രീതി പുനക്രമീകരിക്കണമന്നും കോടതി നിര്‍ദേശിച്ചു.
നിലവില്‍ നടത്തിയ നിയമനത്തിന് പകരം പുതിയ ടേണുകള്‍ സൃഷ്ടിച്ചാണ് സര്‍വകലാശാല സംവരണം നല്‍കിയിട്ടുള്ളത്. ഇതിനെതിരെയാണ് അനുപമ ഹൈക്കോടതിയെ സമീപിച്ചത്. ഇതേതുടര്‍ന്നാണ് ഭിന്നശേഷി സംവരണം നല്‍കേണ്ടത് വെര്‍ട്ടിക്കലായിട്ടാണെന്നും അത് പ്രത്യേകമായി തന്നെ കണക്കാക്കണമെന്നും ഹൈക്കോടതി വിലയിരുത്തിയത്‌