ഡല്‍ഹി സുല്‍ത്താന്‍പുരിയില്‍ രാത്രി പെണ്‍കുട്ടിയെ ഇടിച്ചിട്ട് കാറിനടിയിലൂടെ വലിച്ചിഴച്ച സംഭവത്തില്‍ വഴിത്തിരിവ്. 20കാരിയോടൊപ്പം ആണ്‍സുഹൃത്തുണ്ടായിരുന്നതായി വ്യക്തമായി. സുഹൃത്തിനും സംഭവത്തില്‍ പരിക്കേറ്റിരുന്നു. പെണ്‍കുട്ടിയുടെ കാല്‍ ആക്‌സിലില്‍ കുടുങ്ങിയശേഷവും 13 കിലോമീറ്ററോളം കാറോടിച്ചുപോകുകയായിരുന്നു. ഇതിന്റെ സിസിടിവി ദൃശ്യങ്ങളാണ് വൈറലായത്. സുഹൃത്തിനൊപ്പം സ്‌കൂട്ടറില്‍ പോകുന്നതിന്റെ വീഡിയോയും പുറത്തുവന്നിട്ടുണ്ട്. പ്രതികളെ പൊലീസ് കസ്റ്റഡിയിലെടുത്തു. പ്രതികളിലൊരാള്‍ ബി.ജെ.പിക്കാരനാണ്. എന്നാല്‍ അത് പരിഗണിക്കില്ലെന്നാണ ്ബി.ജെ.പി പറയുന്നത്. ഡല്‍ഹി ഭരിക്കുന്നത് ആംആദ്മി പാര്‍ട്ടിയാണെങ്കിലും പൊലീസ് കേന്ദ്രസര്‍ക്കാരിന് കീഴിലാണ്.