കല്‍പ്പറ്റ: കുളത്തില്‍ കുളിക്കാനിറങ്ങിയ വിദ്യാര്‍ഥി മുങ്ങി മരിച്ചു. മില്ലുമുക്ക് സ്വദേശി അറക്ക റസാക്കിന്റെ മകന്‍ നിയാസ് (15) ആണ് മരിച്ചത്. കണിയാമ്പറ്റ ചിത്രമൂലയിലെ കുളത്തില്‍ കൂട്ടുകാരുമൊത്ത് കുളിക്കുന്നതിനിടെ ഇന്ന് രാവിലെ 11.45 ഓടെയായിരുന്നു അപകടം.
കുളത്തിനടിയിലെ ചെളിയില്‍ കാല്‍പുതഞ്ഞ് അകപ്പെടുകയായിരുന്നു. ഉടനെ കമ്പളക്കാട്ടെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മീനങ്ങാടി സെന്റ്‌മേരീസ് കോളജിലെ വിദ്യാര്‍ഥിയാണ്. മാതാവ്: ഷാഹിത. സഹോദരങ്ങള്‍: ഇജാസ്, ഷിയാസ്, അബ്ബാസ്.