കുന്നംകുളം: മകനോടൊപ്പം ബൈക്കില് സഞ്ചരിച്ച വീട്ടമ്മ റോഡില് തെറിച്ച് വീണ് മരിച്ചു. ചൊവ്വന്നൂര് കുട്ടന്കുളങ്ങര ദാസന്റെ ഭാര്യ ഷീജയാണ് (47) മരിച്ചത്. മഴ പെയ്തതോടെ പിറകിലിരുന്ന് കുട നിവര്ത്തിയ വീട്ടമ്മ തലയിടിച്ച് വീഴുകയായിരുന്നു.
ചൊവ്വാഴ്ച രാവിലെ ചൊവ്വന്നൂര് മില്ലിന് മുന്നിലായിരുന്നു അപകടം. ഉടന് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല. മൃതദേഹം തൃശൂര് മെഡിക്കല് കോളജ് ആശുപത്രി മോര്ച്ചറിയില്.