കാസര്‍കോട് ചിറ്റാരിക്കലിലെ സ്‌കൂളില്‍ ദലിത് വിദ്യാര്‍ഥിയുടെ മുടി മുറിച്ച് പ്രധാനാധ്യാപികയ്‌ക്കെതിരെ ബാലാവകാശ കമ്മിഷന്‍ കേസെടുത്തു. സംഭവത്തില്‍ ചിറ്റാരിക്കല്‍ പൊലീസ് എച്ച്. കാസര്‍കോട് ഡി.ഡി.ഇ എന്നിവരോട് റിപ്പോര്‍ട്ട് തേടി.
പൊലീസ് ജാമ്യമില്ലാ വകുപ്പ് പ്രകാരം കേസെടുത്തതിന് പിന്നാലെ കോട്ടമല എ ജി.എം.യു.പി സ്‌കൂള്‍ പ്രധാനാധ്യാപിക ഷേര്‍ളി ജോസഫ് ഒളിവില്‍ പോയിരുന്നു. കാസര്‍കോട് സ്‌പെഷല്‍ മൊബൈല്‍ നിക്വാഡ് ഡിവൈഎസ്പി എ സതീഷ്‌കുമാറിനാണ് കേസിന്റെ അന്വേഷണ ചുമതല. ഈ മാസം 19നായിരുന്നു കേസിനാസ്പദമായ സംഭവം നടന്നത്.
മുടി വെട്ടിയില്ലെന്ന കാരണം പറഞ്ഞ് അഞ്ചാം ക്ലാസുകാരനെ സ്‌കൂള്‍ അസംബ്ലിക്കിടെ സ്റ്റാഫ് മുറിയുടെ സമീപത്തേക്ക് കൊണ്ടു പോയി പ്രധാനാധ്യാപിക കത്രിക ഉപയോഗിച്ച് ബലമായി മുടി മുറിച്ചെന്നാണ് പരാതി.