റെമാൽ ചുഴലിക്കാറ്റ് പശ്ചിമബംഗാളിൽ കര തൊട്ടു. ശക്തമായ കാറ്റിൽ സൗത്ത് പർഗനാസ് ജില്ലയിൽ നിരവധി മരങ്ങൾ കടപുഴകി വീണു. ദേശീയ ദുരന്തനിവാരണ സേന രക്ഷാപ്രവർത്തനവുമായി മേഖലയിലുണ്ട്. 110 മുതൽ 120 കിലോമീറ്റരർ വേഗതയിലാണ് കാറ്റ് വീശുന്നത്.
ബംഗാളിലെ തീരപ്രദേശങ്ങളിൽ കേന്ദ്ര കാലാവസ്ഥാ നിരീക്ഷണ കേന്ദ്രം റെഡ് അലർട്ട് പ്രഖ്യാപിച്ചു. ബംഗാളിലെ തീരപ്രദേശങ്ങളിൽ നിന്ന് ഒരു ലക്ഷത്തിലധികം പേരെ മാറ്റിപ്പാർപ്പിച്ചു. പ്രധാനമന്ത്രി നരേന്ദ്രമോദി ഉദ്യോഗസ്ഥരുമായി മുന്നൊരുക്കങ്ങൾ വിലയിരുത്തി
ചുഴലിക്കാറ്റ് ബാധിക്കുന്ന പ്രദേശങ്ങളിൽ ദേശീയ ദുരന്തനിവാരണ സേന സജ്ജമാണെന്ന് കേന്ദ്ര ആഭ്യന്തര മന്ത്രി അമിത് ഷാ അറിയിച്ചു. കരസേന, നാവികസേന, കോസ്റ്റ് ഗാർഡ് തുടങ്ങിയ സേനകളും സജ്ജമായി നിലയുറപ്പിച്ചിട്ടുണ്ട്.