കേരളത്തിൽ ചുഴലിക്കാറ്റ് (cyclone) ആഞ്ഞടിക്കാൻ പോകുന്നു എന്ന നിലയ്ക്ക് വ്യാജ മെസ്സേജുകൾ വ്യാപകമായി സോഷ്യൽ മീഡിയകളിൽ പ്രചരിപ്പിച്ചു വരുന്നതായി കേന്ദ്ര കാലാവസ്ഥാ വകുപ്പ്. എന്നാൽ ഇത്തരത്തിൽ ഒരു ചുഴലിക്കാറ്റും നിലവിലില്ലെന്ന് കാലാവസ്ഥ വകുപ്പ് അധികൃതർ വിശദമാക്കുന്നു.
കൂടാതെ കേരളത്തിൽ ഇപ്പോഴുത്തെ അവസ്ഥയിൽ ഒരു ചുഴലിക്കാറ്റും ആ സന്ദേശത്തിൽ പറയുന്ന ദിവസങ്ങളിൽ(ഒക്ടോബർ 20,21,22) കേന്ദ്ര കാലാവസ്ഥാ വകുപ്പ്
പ്രവചിച്ചിട്ടില്ല.
എന്നാൽ അതേ സമയം കേന്ദ്ര കാലാവസ്ഥ വകുപ്പിന്റെ പ്രവചനം പ്രകാരം നിലവിൽ തെക്കൻ തമിഴ്‌നാട് തീരത്തിനു സമീപം ചക്രവാതച്ചുഴി രൂപപ്പെട്ടിരിക്കുന്നു. അടുത്ത 2-3 ദിവസങ്ങളിൽ തുടരാൻ സാധ്യതയുണ്ട് . ഇതിന്റെ സ്വാധീനത്തിൽ ഒക്ടോബർ 20 മുതൽ 24 വരെ കേരളത്തിൽ വ്യാപകമായി ഇടി മിന്നലൊടു കൂടിയ മഴക്ക് സാധ്യതയുണ്ട്. ഒക്ടോബർ 21 നു ഒറ്റപ്പെട്ട ശക്തമായ മഴക്കും സാധ്യതയുണ്ട്.