മലപ്പുറം: ചുങ്കത്തറയില്‍ തെരുവ് നായയെ ബൈക്കില്‍ കെട്ടി വലിച്ച് ക്രൂരത കാണിച്ച കേസിലെ പ്രതി പിടിയില്‍. പൂക്കോട്ടുമണ്ണ സ്വദേശി അബ്ദുല്‍ കരീമിനെ എടക്കര പൊലീസ് ആണ് അറസ്റ്റ് ചെയ്തത്.
തിങ്കളാഴ്ച രാത്രിയാണ് കേസിനാസ്പദമായ സംഭവം. പുലിമുണ്ട സ്വദേശി അനൂപാണ് ഈ ദൃശ്യങ്ങള്‍ പകര്‍ത്തിയത്. ഇയാള്‍ ജോലി കഴിഞ്ഞ് മടങ്ങുന്നതിനിടെയാണ് നായയെ ബൈക്കില്‍ കെട്ടിവലിച്ച് കൊണ്ടുപോകുന്നത് കണ്ടത്. വാഹനം നിര്‍ത്താന്‍ ആവശ്യപ്പെട്ടെങ്കിലും പ്രതി വാഹനം വേഗത്തില്‍ ഓടിച്ചുപോവുകയായിരുന്നുവെന്നാണ് അനൂപ് പറഞ്ഞത്.