കാർട്ടൂണിസ്റ്റ് സുകുമാർ അന്തരിച്ചു.

കാർട്ടൂണിസ്റ്റ് സുകുമാർ (91) അന്തരിച്ചു.1932 ജൂലൈ 9-ന് തിരുവനന്തപുരം ജില്ലയിലെ ആറ്റിങ്ങലിൽ സുബ്ബരായൻ പോറ്റിയുടെയും കൃഷ്ണമ്മാളുടെയും മൂത്ത മകനായി ജനിച്ചു. ബാല്യകാലം തിരുവനന്തപുരത്ത് ചെലവഴിച്ചു. ബിരുദധാരിയാണ്. ഡി.ഐ.ജി ഓഫീസിൽ അഡ്മിനിസ്ട്രേറ്റീവ് അസിസ്റ്റന്റായിരുന്നു. നർമ്മകൈരളിയുടെ പ്രസിഡന്റായും കേരള കാർട്ടൂൺ അക്കാദമിയുടെ ചെയർമാനായും പ്രവർത്തിച്ചു.നിരവധി കഥകളും നോവലും നാടകവും രചിച്ചിട്ടുണ്ട്.1996ൽ കേരളസാഹിത്യ അക്കാദമി അവാർഡ് നേടി .കേരള കാർട്ടൂൺ അക്കാദമി സ്ഥാപകനാണ്.