മദ്യപാനത്തിനിടെ മൂന്ന് പതിറ്റാണ്ടുകൾക്ക് മുൻപ് നടത്തിയ കൊലപാതകത്തിന്റെ വിവരങ്ങൾ വെളിപ്പെടുത്തിയ ആൾ പോലീസ് പിടിയിലായി.മുംബൈയിലെ വിഖ്രോലിയിൽ സ്ഥിരതാമസമാക്കിയ അമിത് പവാർ ആണ് പിടിയിലായത്.വർഷം 1993. മഹാരാഷ്ട്രയിലെ ലോനവാലയിൽ കട നടത്തുകയായിരുന്നു അവിനാശ് പവാർ. സമീപത്ത് താമസിച്ചിരുന്ന വൃദ്ധ ദമ്പതികളെയാണ് മോഷണത്തിനിടെ കൊന്നത്.കൃത്യം നടത്തിയ ഇയാൾ ഉടൻ ലോനവാല വിട്ട് മഹാരാഷ്ട്രയിലെ ഔറംഗാബാദിലേക്ക് എത്തി പിന്നെയും കുറെ സ്ഥലങ്ങൾ കറങ്ങിയാണ് മുംബൈയിലെ വിഖ്രോലിയിൽ എത്തി സ്ഥിരതാമസമാക്കിയത്.അവിനാശ് പവാർ എന്ന പേര് മാറ്റി അമിത് പവാർ ആകുകയും ആധാർ കാർഡ് സ്വന്തമാക്കുകയും, അവിടെ നിന്ന് ഒരു സ്ത്രീയെ വിവാഹം കഴിക്കുകയും ചെയ്തു.
വൃദ്ധ ദമ്പതികളുടെ കാലപ്പെടുത്തിയ വിവരം മദ്യപാനത്തിനിടെ ഒരു വീരകൃത്യമെന്ന നിലയിൽ അവിനാശ് സുഹൃത്തുക്കളോട് വിശദീകരിച്ചു. എന്നാൽ സുഹൃത്തുക്കളിലൊരാൾ ഇക്കാര്യം മുംബൈ ക്രൈംബ്രാഞ്ച് സീനിയർ പൊലീസ് ഇൻസ്‌പെക്ടറും എൻകൗണ്ടർ സ്‌പെഷ്യലിസ്റ്റുമായ ദയ നായക്കിനെ അറിയിക്കുകയായിരുന്നു . പിന്നാലെ അവിനാശ് അറസ്റ്റിലുമായി.