നടുറോഡില്‍ വെച്ച് പട്ടാപകല്‍ യുവാവിനെ വെട്ടിപ്പരിക്കേല്‍പ്പിച്ചു. സ്‌കൂട്ടര്‍ യാത്രക്കാരനെ ഗുഡ്‌സ് ഓട്ടോയിലെത്തിയ യുവാവ് ആണ് വെട്ടി പരിക്കേല്‍പ്പിച്ചത്.
ഇന്ന് ഉച്ചക്ക് ഒരു മണിയോടെ മലപ്പുറം വേങ്ങര അങ്ങാടിയില്‍ പിക്കപ്പ് ഓട്ടോ സ്റ്റാന്റില്‍ വച്ചാണ് സംഭവം. ചേറൂര്‍ സ്വദേശിയും കെട്ടിട നിര്‍മ്മാണ കരാറുകാരനുമായ ചേറൂര്‍ സ്വദേശി കാളങ്ങാടന്‍ സുഭാഷി (48) നാണ് വെട്ടേറ്റത്. സംഭവുമായി ബന്ധപ്പെട്ട് ചേറൂര്‍ അടിവാരം സ്വദേശി കാളം പുലാന്‍ മുഹമ്മദലിയെ നാട്ടുകാരും പൊലിസും ചേര്‍ന്ന് പിടികൂടി.
മാര്‍ക്കറ്റില്‍ നിന്ന് മത്സ്യം വാങ്ങി വരികയായിരുന്ന സുഭാഷിനെ കൊട്ട ഓട്ടോയിലെത്തിയ യുവാവ് വിലങ്ങിട്ട് നിര്‍ത്തി അങ്ങാടിക്ക് നടുവില്‍ വച്ച് കൊടുവാള്‍ കൊണ്ട് വെട്ടുകയായിരുന്നു. കൈക്ക് പരിക്കേറ്റ സുഭാഷ് തൊട്ടടുത്ത സ്വകാര്യ ആസ്പത്രിയില്‍ സ്വയം ചികില്‍സ തോടി എത്തുകയായിരുന്നു. പിന്നീട് ഇദ്ദേഹത്തെ കോട്ടക്കലിലേക്ക് മാറ്റി.
വെട്ടാന്‍ ഉപയോഗിച്ച കൊടുവാള്‍ സംഭവ സ്ഥലത്ത് നിന്ന് പൊലിസ് കണ്ടെടെക്കുകയും അവിടെ വച്ച് തന്നെ പ്രതിയെ പിടികൂടുകയും ചെയ്തു. തന്നെ മുമ്പ് സുഭാഷ് തലയില്‍ തല്ലി പരിക്കേല്‍പ്പിച്ചതിന്റെ പ്രതികാരമായാണ് വെട്ടിയതെന്ന് പ്രതി.