മാതാവിനെ മകന്‍ ക്രൂരമായി മര്‍ദിച്ചവശയാക്കി. മര്‍ദനത്തില്‍ ഗുരുതരമായി പരിക്കേറ്റ അമ്മ മകനെതിരെ പരാതി നല്‍കാന്‍ തയാറായില്ല. മാമ്പഴക്കര സ്വദേശി ശ്രീജിത്ത് എന്ന രാജേഷാണ് മാതാവ് ശാന്തയെ മര്‍ദിച്ചത്. അമ്മയെ മര്‍ദിക്കുന്ന ദൃശ്യങ്ങള്‍ അയല്‍വാസി പുറത്തുവിട്ടതോടെയാണ് നെയ്യാറ്റിന്‍കര പൊലീസ് കേസെടുത്തത്.
മകനെ അറസ്റ്റ് ചെയ്താല്‍ ആത്മഹത്യ ചെയ്യുമെന്ന് ഭീഷണി മുഴക്കിയതോടെ പൊലീസും പിന്മാറി. വീട്ടില്‍ അമ്മയും മകനും മാത്രമാണ് താമസം. ഭാര്യയുമായി പിണങ്ങിക്കഴിയുകയാണ് രാജേഷ്.
രാജേഷ് മദ്യപിച്ചിച്ചെത്തി മാതാവിനെ മര്‍ദിക്കുന്നത് പതിവാണെന്ന് നാട്ടുകാര്‍ പറയുന്നു. ഇതേ തുടര്‍ന്ന് നാട്ടുകാര്‍ പലതവണ നെയ്യാറ്റിന്‍കര പൊലീസില്‍ പരാതി നല്‍കിയിരുന്നു. മകനെതിരെ പരാതി നല്‍കാനും മൊഴി നല്‍കാനും മാതാവ് തയാറാകാത്തതാണ് പൊലീസിന് കൂടുതല്‍ നടപടിയില്‍നിന്ന് തടയുന്നത്.