ന്യൂഡല്‍ഹി: ക്രിക്കറ്റ് താരം മുഹമ്മദ് ഷമിക്ക് കാറപകടത്തില്‍ പരിക്ക്. ഡെറാഡൂണില്‍ നിന്ന് ഡല്‍ഹിയിലേക്ക് കാറില്‍ വരുമ്പോഴാണ് അപകടമുണ്ടായത്. ഇന്നു രാവിലെയാണ് സംഭവം. തലക്ക് പരിക്കേറ്റ ഷമിയെ ആസ്പത്രിയില്‍ പ്രവേശിപ്പിച്ചു.
മുറിവിന് തുന്നലിട്ട ശേഷം ആസ്പത്രിയില്‍ കഴിയുന്ന ഷമി ഡോക്ടര്‍മാരുടെ നിരീക്ഷണത്തിലാണ്. അടുത്തിടെ ഷമിയുടെ ഭാര്യയുടെ പരാതിയെത്തുടര്‍ന്ന് അദ്ദേഹത്തിനെതിരെ പൊലീസ് കേസെടുത്തിരുന്നു. ഗാര്‍ഹിക പീഡനം, വിശ്വാസ വഞ്ചന തുടങ്ങിയ കുറ്റങ്ങള്‍ ചുമത്തിയാണ് കേസെടുത്തിരിക്കുന്നത്.