സി.പി.എമ്മിന്റെ ബോംബ് രാഷ്ട്രീയം കേരളത്തിന് അപമാനമാണെന്ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി നിയമസഭയില്‍ പറഞ്ഞു. നിരപരാധികളാണ് കൊല്ലപ്പെടുന്നത്. പറമ്പിലിറങ്ങി നടക്കാനോ വീട്ടില്‍ കിടന്നുറങ്ങാനോ ആളുകള്‍ക്ക് പേടിയാണ്. ബോംബുണ്ടാക്കുന്നവരെ പാര്‍ട്ടി സഹായിക്കുന്നു.
ഇതിനെതിരെ നിയമപരമായും പൊളിറ്റിക്കലായും ഇച്ഛാശക്തിയോടെ നടപടിയെടുക്കാന്‍ സര്‍ക്കാര്‍ തയ്യാറാകണം. അത് ചെയ്യാത്തതാണ് ഇത്തരം സംഭവങ്ങള്‍ ആവര്‍ത്തിക്കാനുള്ള കാരണം. ബോംബുണ്ടാക്കുന്നവനെയും ബോംബുണ്ടാക്കുന്നതിനിടെ പൊട്ടി മരിക്കുന്നവനെയും സി.പി.എം നേതാക്കള്‍ ആദരിക്കുകയാണ്. പിന്നെങ്ങനെ ഇത്തരം സംഭവങ്ങള്‍ ആവര്‍ത്തിക്കാതിരിക്കും? കേരളത്തിന് അപമാനമാണ് ഇത്തരം സംഭവങ്ങളെന്നും കുഞ്ഞാലിക്കുട്ടി പറഞ്ഞു.