കൊല്ലത്ത് കല്യാണവീട്ടിലെ രാഷ്ട്രീയ തര്‍ക്കത്തിനിടയിൽ :സിപിഐക്കാരന്റെ കൈവിരല്‍ സിപിഎം പ്രവര്‍ത്തകന്‍ കടിച്ചുമുറിച്ചു. മേലില ഗ്രാമ പഞ്ചായത്തിലെ മൂലവട്ടത്താണ് സംഭവം.മൂലവട്ടത്തെ ഒരുവീട്ടില്‍ നടന്ന വിവാഹ സത്കാരത്തിനിടെ ഇരുവരും തമ്മില്‍ തര്‍ക്കമുണ്ടായതായി പറയുന്നു. സി.പി.ഐ.ക്കാരന്‍ അടുത്തിടെ സി.പി.എം വിട്ട് പാര്‍ട്ടിയിലെത്തിയതിനെച്ചൊല്ലിയാണ് തര്‍ക്കമുണ്ടായത്. ഈ തർക്കമാണ് സംഘർഷത്തിലേക്കും തുടർന്ന് കൈവിരൽ കടിച്ചു മുറിക്കുന്നതിലേക്കും എത്തിയത്. വിരൽ മുറിഞ്ഞ സി.പി.ഐ ക്കാരനെ തിരുവന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അതെ സമയം സംഭവത്തിൽ പരാതി ലഭിച്ചിട്ടില്ലെന്ന് പോലീസ് പറഞ്ഞു.പ്രശ്‌നം പാര്‍ട്ടി നേതാക്കള്‍ ഇടപെട്ട് പുറത്തറിയിക്കാതെ ഒതുക്കുകയായിരുന്നുവെന്നാണ് വിവരം.കഴിഞ്ഞ ഞായറാഴ്ച രാത്രി യാണ് സംഭവം നടന്നത്.