ബിജെപി ബന്ധമുള്ള പാര്‍ട്ടിയായി ജെഡിഎസിന് ഇടതുമുന്നണിയില്‍ തുടരാന്‍ ആവില്ലെന്ന് സിപിഎം. ദേശീയ നേതൃത്വം എന്‍ഡിഎയുമായി സഹകരിച്ച് പോകാന്‍ തീരുമാനമെടുത്തതിന് പിന്നാലെയാണ് സിപിഎം ജെഡിഎസിനു മുന്നറിയിപ്പ് നല്‍കിയിരിക്കുന്നത്. അടിയന്തരമായി പ്രശ്‌നം പരിഹരിക്കണമെന്ന് ജെഡിഎസിനോട് സിപിഎം നിര്‍ദ്ദേശം നല്‍കി.
ബിജെപിയോടൊപ്പം സഹകരിച്ച് പ്രവര്‍ത്തിക്കുന്നതിനുള്ള എതിര്‍പ്പ് ജെഡിഎസ് സംസ്ഥാന നേതൃത്വം നേരത്തെ തന്നെ ദേശീയ നേതൃത്വത്തെ അറിയിച്ചിരുന്നു.എന്നാല്‍ ഈ അഭിപ്രായം ദേശീയ നേതൃത്വം കാര്യമായി എടുത്തിട്ടില്ല.
വെറും ദിവസങ്ങളില്‍ ജെഡിഎസ് സംസ്ഥാന നേതൃത്വം എന്ത് നിലപാട് എടുക്കുമെന്നത് സംസ്ഥാന രാഷ്ട്രീയത്തില്‍ നിര്‍ണായകമാണ്.