ഇടുക്കിയിലെ എഞ്ചിനിയറിങ് കോളേജിലെ എസ്എഫ്‌ഐ പ്രവര്‍ത്തകനായ ധീരജിന്റെ കൊലപാതകത്തെ തുടര്‍ന്ന് സിപിഎം നടത്തിയ പ്രകടനത്തില്‍ തളിപ്പറമ്പിലെ കോണ്‍ഗ്രസ് ഓഫീസിനെടുത്തുള്ള ഗാന്ധിപ്രതിമ തകര്‍ത്തു.
ഗാന്ധിയോടുള്ള വിരോധത്തില്‍ സഖാവും സംഘിയും ഒരേ തൂവല്‍ പക്ഷികളാണെന്നാണ് സംഭവത്തില്‍ യൂത്ത് കോണ്‍ഗ്രസ് നേതാവ് റിജില്‍ മാക്കുറ്റിലിന്റെ പ്രതികരിച്ചു. ആര്‍എസ്എസുകാര്‍ സിപിഎം തിരുവല്ല ലോക്കല്‍ സെക്രട്ടറിയെ കൊലപ്പെടുത്തിയപ്പോള്‍ ഹെഡ്‌ഗോവാറിന്റെയോ ഗോള്‍വക്കറിന്റെയോ പ്രതിമ സിപിഎം തകര്‍ത്തിട്ടില്ലെന്ന് അദ്ദേഹം
രൂക്ഷമായി വിമര്‍ശിച്ചു. അന്ന് സുരേന്ദ്രന്റെ വീട്ടിലേക്ക് ഡിവൈഎഫ്‌ഐ മാര്‍ച്ച് സംഘടിപ്പിച്ചിട്ടില്ലെന്നും അത് സുരേന്ദ്രനിസമാണെന്ന് കോടിയേരിയോ റഹീമോ പറഞ്ഞിട്ടില്ലെന്നും റിജില്‍ ഓര്‍മപ്പെടുത്തി.