പത്തനംതിട്ടയില്‍ സിപിഎം ഏരിയാ സെക്രട്ടറിയെ പാര്‍ട്ടി ഓഫീസില്‍ തൂങ്ങി മരിച്ച നിലയില്‍ കണ്ടെത്തി. പത്തനംതിട്ട ഏരിയാ സെക്രട്ടറി പി.ആര്‍ പ്രദീപാണ് മരിച്ചത്. ഇലന്തൂര്‍ ബ്രാഞ്ച് കമ്മിറ്റി ഓഫിസില്‍ നിന്നാണ് മൃതദേഹം കണ്ടെത്തിയത്.
ഇന്ന് വൈകീട്ടാണ് സംഭവം. മൂന്ന് മണിക്ക് ചേരുന്ന ഏരിയ കമ്മിറ്റി യോഗത്തിലേക്ക് പ്രദീപിനെ വിളിച്ചിരുന്നു. മീറ്റിംങ്ങിന് എത്താതിരുന്നതിനെ തുടര്‍ന്ന് നടത്തിയ തിരച്ചിലിലാണ് പ്രദീപിനെ മരിച്ച നിലയില്‍ കണ്ടെത്തിയത്.