സി.പി.എം നേതാവ് പി.വി സത്യനാഥിനെ വെട്ടിക്കൊന്ന സംഭവത്തില്‍ ഒരാള്‍ കസ്റ്റഡിയില്‍. പെരുവട്ടൂര്‍ പുറത്തോന അഭിലാഷ് ആണു പിടിയിലായത്. ഇയാള്‍ മുന്‍ ബ്രാഞ്ച് കമ്മിറ്റിയംഗം തന്നെയാണ്. ഓട്ടോഡ്രൈവറായ ഇയാള്‍ക്ക് സത്യനാഥനുമായി വ്യക്തിവൈരാഗ്യം ഉണ്ടായിരുന്നതായാണ് റിപ്പോര്‍ട്ട്. ഇന്ന് കൊയിലാണ്ടി ഏരിയയില്‍ സി.പി.എം ഹര്‍ത്താല്‍ പ്രഖ്യാപിച്ചിട്ടുണ്ട്.
അഭിലാഷ് കുറ്റം സമ്മതിച്ചു. സിപിഐഎം മുന്‍ അണേല ബ്രാഞ്ച് കമ്മറ്റി അംഗമാണ് കസ്റ്റഡിയിലുള്ള അഭിലാഷ്. ചെറിയപുറം ക്ഷേത്രം ഉത്സവത്തിനിടെ ആക്രമണമുണ്ടവുകയായിരുന്നു. ശരീരത്തില്‍ മഴു കൊണ്ടുള്ള നാലിലധികം വെട്ടുകളുണ്ട്. പോസ്റ്റ്‌മോര്‍ട്ടത്തിനായി മൃതദേഹം കോഴിക്കോട് മെഡിക്കല്‍ കോളജിലേക്ക് മാറ്റി.