ആലപ്പുഴയില്‍ സിപിഎം നേതാവിന്റെ കയ്യില്‍ നിന്നും അശ്ലീല വീഡിയോ പിടിച്ച കേസില്‍ ഡിജിപിക്ക് പരാതി. മഹിളാ കോണ്‍ഗ്രസ് സംസ്ഥാന അധ്യക്ഷ ജെബി മേത്തര്‍ ആണ് സിപിഎം നേതാവ് എപി സോണയ്‌ക്കെതിരെ ഡിജിപിക്ക് പരാതി സമര്‍പ്പിച്ചത്. സിപിഎം നേതാവിനെതിരെ കര്‍ശന നടപടി സ്വീകരിക്കണമെന്നാണ് ആവശ്യം. തുടക്കത്തില്‍ സൗഹൃദം സ്ഥാപിച്ചാണ് ഇയാള്‍ സ്ത്രികളെ ദുരുപയോഗം ചെയ്തിരുന്നത്. ഒരു പെണ്‍കുട്ടിയെ ഇത്തരത്തില്‍ ചൂഷണം ചെയ്തതായും പരാതിയുണ്ട്. അതുകൊണ്ട് പോക്‌സോ കേസ് ചുമത്താനും ആവശ്യപ്പെട്ടിട്ടുണ്ട്. സോണയ്‌ക്കെതിരെ ജെബി വനിതാ കമ്മീഷനും പരാതി പോയിട്ടുണ്ട്. സ്ത്രികളുടെ അശ്ലീല ചിത്രങ്ങള്‍ സൂക്ഷിച്ചെന്ന ആരോപണത്തെതുടര്‍ന്ന് ആലപ്പുഴ സൗത്ത് ഏരിയ കമ്മിറ്റി അംഗമായ എപി സോണയെ സിപിഎമ്മില്‍ നിന്നും പുറത്താക്കിയിരുന്നു. 17 സ്ത്രീകളുടെ 34 ദൃശ്യങ്ങളാണ് ഇയാള്‍ ഫോണില്‍ സൂക്ഷിച്ചിരുന്നതെന്നാണ് ആരോപണം.