പത്തനംതിട്ട കൊടുമണ്ണില്‍ സിപിഎം- സിപിഐ സംഘര്‍ഷത്തിന്റെ ദൃശ്യങ്ങള്‍ പുറത്ത്. സിപിഐ നേതാക്കളെ വളഞ്ഞിട്ട് സിപിഎം പ്രവര്‍ത്തകര്‍ മര്‍ദ്ദിക്കുന്ന ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ സജീവമായിരിക്കുന്നത്.
കഴിഞ്ഞ ഞായറാഴ്ചയോടെയാണ് സംഭവം. അങ്ങാടിക്കല്‍ സര്‍വീസ് സഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ട സംഘര്‍ഷമാണ് കയ്യാങ്കളിയില്‍ കലാശിച്ചത്. സ്ഥലത്തെ സിപിഐ -സിപിഎം പ്രവര്‍ത്തകര്‍ തമ്മില്‍ ആണ് സംഘര്‍ഷമുണ്ടായത്. ബാങ്ക് തെരഞ്ഞെടുപ്പുമായി ബന്ധപ്പെട്ട കള്ളവോട്ട് രേഖപ്പെടുത്തി തുടങ്ങിയ കാര്യങ്ങളാണ് സംഘര്‍ഷത്തില്‍ കലാശിച്ചത്.