പ്രായ പൂര്‍ത്തിയാകാത്ത പെണ്‍കുട്ടികളെ പീഡിപ്പിച്ച സി.പി.ഐ ഉദിയന്‍കുളങ്ങര ബ്രാഞ്ച് സെക്രട്ടറി അറസ്റ്റില്‍. ഉദിയന്‍കുളങ്ങര ഇലങ്കം റോഡില്‍ ഷിനു (36) ആണ് പിടിയിലായത്. ഒളിവില്‍ കഴിഞ്ഞിരുന്ന ഷിനുവിനെ ഇന്നലെ കളിയാക്കാവിളയില്‍ നിന്ന് പാറശ്ശാല പൊലീസ് അറസ്റ്റ് ചെയ്യുകയായിരുന്നു. 13 വയസ്സില്‍ താഴെയുള്ളനാല് പെണ്‍കുട്ടികളെ പീഡിപ്പിച്ചെന്ന പരാതിയെ തുടര്‍ന്ന് പോക്‌സോ കേസ് ചുമത്തി. ഷിനുവിന്‍്‌റെ വീട്ടില്‍ കളിക്കാനെത്തുന്ന കുട്ടികളെയാണ് നിരന്തരമായി ഇയാള്‍ പീഡിപ്പിച്ചത്. പീഡനത്തിന് ഇരയായ പെണ്‍കുട്ടികളുടെ രക്ഷിതാക്കളാണ് പൊലീസില്‍ പരാതി നല്‍കിയത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.