സി.പി.ഐ തച്ചമ്പാറ ലോക്കല്‍ സെക്രട്ടറി ജോര്‍ജ് തച്ചമ്പാറ ബിജെപിയില്‍ ചേര്‍ന്നു. നിലവില്‍ ഗ്രാമപഞ്ചായത്ത് അംഗമാണ്. സി.പി.ഐ വിട്ട ജോര്‍ജ് തച്ചമ്പാറ കെ സുരേന്ദ്രനില്‍ നിന്ന് അംഗത്വം സ്വീകരിക്കും. ലോക്കല്‍ കമ്മറ്റി അംഗങ്ങള്‍ അടക്കം 15 പേരാണ് ജോര്‍ജിനോടൊപ്പം ബി.ജെ.പിയില്‍ ചേര്‍ന്നത്. കൂടുതല്‍ പേര്‍ സി.പി.ഐയില്‍ നിന്ന് ബി.ജെ.പിയില്‍ എത്തുമെന്ന് ജോര്‍ജ് തച്ചമ്പാറ പ്രതികരിച്ചു.
പാലക്കാട് നിയമസഭ മണ്ഡലത്തിലെ ഉപതെരഞ്ഞെടുപ്പുമായി ബന്ധപ്പെട്ട് യോഗം ചേരുന്നുണ്ട്. ഈ യോഗത്തില്‍ കെ സുരേന്ദ്രന്‍ പങ്കെടുക്കുന്നുണ്ട്.പാലക്കാട് ഉപതെരഞ്ഞെടുപ്പ് എപ്പോള്‍ പ്രഖ്യാപിച്ചാലും പാര്‍ട്ടി സജ്ജമെന്ന് കെ സുരേന്ദ്രന്‍ പ്രതികരിച്ചു. ബിജെപി ഇത്തവണ വലിയ ഭൂരിപക്ഷത്തില്‍ ഉപതെരഞ്ഞെടുപ്പില്‍ വിജയിക്കും.