റിയാദ്: സഊദി അറേബ്യയില്‍ ഇന്ന് 306 പേര്‍ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ രാജ്യത്തെ വിവിധ ഇടങ്ങളിലായി മൂന്നു പേര്‍ മരിച്ചു. അതേ സമയം രോഗംസ്ഥിരീകരിച്ചവരില്‍ 290 പേര്‍ ഇന്ന് സുഖം പ്രാപിച്ചിട്ടുണ്ട്.
ഇതോടെ രാജ്യത്ത് റിപ്പോര്‍ട്ട് ചെയ്ത കൊവിഡ് കേസുകളുടെ ആകെ എണ്ണം 3,68,945ഉം രോഗമുക്തരുടെ എണ്ണം 3,60,400ഉം ആയി. ആകെ മരണസംഖ്യ 6386 ആയി ഉയര്‍ന്നു. അസുഖ ബാധിതരായി ചികിത്സയില്‍ കഴിയുന്നവരുടെ എണ്ണം 2159 ആയി കുറഞ്ഞു. ഇതില്‍ ഗുരുതരാവസ്ഥയിലുള്ളവരുടെ എണ്ണം 379 ആണ്. ഇവര്‍ രാജ്യത്തെ വിവിധ ആശുപത്രികളില്‍ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്.
രാജ്യത്തെ രോഗ മുക്തി നിരക്ക് 97.7 ശതമാനവും മരണനിരക്ക് 1.7 ശതമാനവുമായി തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളില്‍ റിപ്പോര്‍ട്ട് ചെയ്ത പുതിയ കേസുകള്‍: റിയാദ് 124, കിഴക്കന്‍ പ്രവിശ്യ 58, മക്ക 52, മദീന 13, അല്‍ഖസീം 12, അസീര്‍ 11, വടക്കന്‍ അതിര്‍ത്തി മേഖല 9, അല്‍ബാഹ 6, ജീസാന്‍ 6, നജ്‌റാന്‍ 5, തബൂക്ക് 5, അല്‍ജൗഫ് 3, ഹാഇല്‍ 2.