വെല്ലിങ്ടണ്‍: ആറു മാസത്തിന് ശേഷം ന്യൂസിലന്റില്‍ ഒരു കോവിഡ് മരണം. ഓക്‌ലിന്റിലെ ആശുപത്രിയില്‍ വച്ച് 90 വയസുള്ള സ്ത്രീയാണ് കോവിഡ് ബാധിച്ച് മരിച്ചത്. ഇവര്‍ക്ക് മറ്റു ആരോഗ്യ പ്രശ്‌നങ്ങളുമുണ്ടായിരുന്നു.
ന്യൂസിലന്റില്‍ കോവിഡ് ബാധിച്ച് മരിക്കുന്ന 27ാമത്തെ വ്യക്തിയാണ് ഇദ്ദേഹം. ശനിയാഴ്ച 20 പേര്‍ക്കാണ് ന്യൂസിലന്റില്‍ കോവിഡ് ബാധിച്ചത്.
മരണം വളരെയധികം ദുഃഖമുണ്ടാക്കുന്നതാണ്. നിലവില്‍ നമ്മള്‍ സ്വീകരിക്കുന്ന നടപടികള്‍ വളരെ പ്രധാനമാണെന്നും അവ പാലിച്ച് മുന്നോട്ട് പോകണമെന്നും ഓര്‍മപ്പെടുത്തുന്നതാണ് ഈ മരണം- പ്രധാനമന്ത്രി ജസിന്ദ ആര്‍ഡേന്‍ പറഞ്ഞു.