തിരുവനന്തപുരം കോര്‍പ്പറേഷന്‍ മേയര്‍ ആര്യ രാജേന്ദ്രന്റെ നിയമന ശുപാര്‍ശ കത്തിനെ ചൊല്ലിയുണ്ടായ പ്രതിപക്ഷ പ്രതിഷേധം അവസാനിപ്പിക്കാന്‍ സര്‍ക്കാര്‍ ഇടപെടല്‍. സമരം ചെയ്യുന്ന രാഷ്ട്രീയ പാര്‍ട്ടികളുടെ ജില്ലാ ഭാരവാഹികളോട് നാളെ വൈകീട്ട് അഞ്ച് മണിക്ക് സെക്രട്ടറിയേറ്റില്‍ എത്താനാണ് സര്‍ക്കാര്‍ നിര്‍ദേശം. തദ്ദേശ സ്വയംഭരണ വകുപ്പ് മന്ത്രി എം.ബി രാജേഷ് സമരക്കാരുമായി ചര്‍ച്ച നടത്തും.
നിയമന ശുപാര്‍ശക്കത്ത് വിവാദത്തില്‍ പ്രതിപക്ഷം പ്രതിഷേധം കടുപ്പിച്ചിരിക്കെയാണ് സര്‍ക്കാരിന്റെ അനുനയ നീക്കം. നാളെ നിയമസഭാ സമ്മേളനത്തില്‍ സഭക്ക് അകത്തും പുറത്തും ഈ വിഷയം ആളിക്കത്തിക്കാന്‍ പ്രതിപക്ഷ പാര്‍ട്ടികള്‍ തീരുമാനിച്ചിരിക്കെയാണ് സര്‍ക്കാര്‍ നീക്കം.