കോപ്പ അമേരിക്ക സെമി ഫൈനലില്‍ കൊളംബിയയെ തോല്‍പിച്ച് അര്‍ജന്റീന കലാശപ്പോരിന്. ഇതോടെ ഏവരും കാത്തിരുന്ന ബ്രസീല്‍-അര്‍ജന്റീന സ്വപ്ന ഫൈനല്‍ യാഥാര്‍ഥ്യമാവുന്നു. നിശ്ചിത സമയത്ത് 1-1 സമനിലയില്‍ പിരിഞ്ഞ ശേഷം നടന്ന ഷൂട്ടൗട്ടിലാണ് അര്‍ജന്റീനയുടെ ത്രസിക്കുന്ന ജയം.
അര്‍ജന്റീന ഗോളി എമിലിയാനോ മാര്‍ട്ടിനസിന്റെ വീറുറ്റ പ്രതിരോധമാണ് മെസിസംഘത്തെ ഫൈനലിലെത്തിച്ചത്. ഷൂട്ടൗട്ടിലെ മൂന്നു കിക്കുകളാണ് താരം തടഞ്ഞിട്ടത്.
കളി തുടങ്ങി ആറാം മിനിറ്റില്‍ അര്‍ജന്റീനക്കായി മെസിയുടെ സുന്ദരമായ പാസില്‍ നിന്ന് ലൗറ്റാരോ മാര്‍ട്ടിനസ് ബോള്‍ വലയിലെത്തിക്കുന്നു. തുടര്‍ന്ന് 61ാം മിനിറ്റില്‍ കൊളംബിയയുടെ സമനില ഗോള്‍. ലൂയിസ് ഡിയാസാണ് ഗോള്‍ വല ചലിപ്പിച്ചത്. പിന്നീട് കളി തീരും വരെ ഈ 1-1 ല്‍ നിന്നു.
ഇനി സ്വപ്ന ഫൈനലാണ്, ശനിയാഴ്ച മറക്കാന സ്റ്റേഡിയത്തില്‍ വച്ച്. ലോകം ഇരു ചേരിയായി നിന്നുള്ള ഒരു പോരിനായി കാത്തിരിക്കാം.