ഹലാലും ഹിജാബും ഹനുമാനും ബജ്‌റംഗ്ദളുമെല്ലാം ചർച്ചയായ കർണാടക തെരഞ്ഞെടുപ്പിൽ ഹിജാബ് സമരത്തിന് മുന്നില്‍ നിന്ന കോണ്‍ഗ്രസ് മുസ്ലിം എംഎല്‍എ കനീസ് ഫാത്തിമ 12841 വോട്ടിന്റെ ഭൂരിപക്ഷത്തോടെ വിജയിച്ചു. സ്‌കൂളുകളിലും കോളജുകളിലും പെണ്‍കുട്ടികളില്‍ ഹിജാബ് ധരിക്കുന്നത് നിരോധിക്കാനായിരുന്നു ബി.ജെ.പി സര്‍ക്കാരിന്റെ നീക്കങ്ങൾ അന്ന് യൂണിഫോമിന്റെ നിറത്തിലുള്ള ഹിജാബ് ധരിക്കാൻ അനുവദിക്കണമെന്നുള്ള ആവശ്യം ബി.ജെ.പി തള്ളുകയായിരുന്നു.
വിവാദങ്ങള്‍ക്കിടെ ഹിജാബ് ധരിച്ചതിന് പുറത്താക്കപ്പെട്ട മുസ്ലിം പെണ്‍കുട്ടികള്‍ ഉടുപ്പിയിലെ സര്‍ക്കാര്‍ കോളജിലേക്ക് നടത്തിയ പ്രതിഷേധത്തിൽ വിദ്യാര്‍ത്ഥികള്‍ക്കൊപ്പം അണിനിരന്നത് കനീസ ഫാത്തിമയായിരുന്നു. പ്രതിഷേധം നടത്തുക മാത്രമല്ല, താന്‍ ഹിജാബ് ധരിച്ച് നിയമസഭയില്‍ കയറുമെന്നും ബിജെപിക്ക് അത് തടയാമെങ്കില്‍ തടഞ്ഞോളൂ എന്നും കനീസ വെല്ലുവിളിച്ചിരുന്നു . ഒടുവില്‍ തെരഞ്ഞെടുപ്പ് ഫലം വരുമ്പോള്‍ ബിജെപി സൃഷ്ടിച്ച ഹിജാബ് വിവാദത്തെ മറികടന്ന് ഹിജാബ് ധരിച് നിയമസഭയിൽ എത്താൻ ഒരുങ്ങുകയാണ് കനീസ ഫാത്തിമ.