ന്യൂഡല്‍ഹി: ലോക്‌സഭാ തെരഞ്ഞെടുപ്പിനുള്ള കോണ്‍ഗ്രസ് സ്ഥാനാര്‍ത്ഥി പട്ടിക വൈകീട്ട് പ്രഖ്യാപിക്കുമെന്ന് നേതാക്കള്‍. മുതിര്‍ന്ന നേതാക്കളായ ഉമ്മന്‍ ചാണ്ടി, കെ.സി വേണുഗോപാല്‍, മുല്ലപ്പള്ളി രാമചന്ദ്രന്‍ എന്നിവര്‍ മത്സരിക്കില്ലെന്നും കെ.പി.സി.സി പ്രസിഡണ്ട് മുല്ലപ്പള്ളി രാമചന്ദ്രനും പ്രതിപക്ഷനേതാവ് രമേശ് ചെന്നിത്തലയും വ്യക്തമാക്കി.
വൈകീട്ട് തെരഞ്ഞെടുപ്പ് സമിതി യോഗത്തിന് ശേഷമായിരിക്കും സ്ഥാനാര്‍ത്ഥികളെ പ്രഖ്യാപിക്കുക. ഉമ്മന്‍ ചാണ്ടിയുടെ പ്രവര്‍ത്തനമേഖല കേരളമായതിനാല്‍ അദ്ദേഹം മത്സരിക്കുന്നില്ലെന്ന് ചെന്നിത്തല പറഞ്ഞു. എ.ഐ.സി.സി ജനറല്‍ സെക്രട്ടറിയായ കെ.സി വേണുഗോപാലിന് മുഴുവന്‍ സംസ്ഥാനങ്ങളിലും ശ്രദ്ധ ചെലുത്തേണ്ടതിനാല്‍ ഒരു മണ്ഡലത്തിലൊതുങ്ങി പ്രവര്‍ത്തിക്കാനാവില്ലെന്നും അതുകൊണ്ടാണ് മത്സരിക്കാത്തതെന്നും ചെന്നിത്തല പറഞ്ഞു.