ന്യൂഡല്‍ഹി: ബി.ബി.സി. ഓഫീസുകളില്‍ നടത്തിയ ആദായനികുതി പരിശോധനയില്‍ കേന്ദ്രത്തിനെതിരെ കടുത്തവിമര്‍ശനവുമായി കോണ്‍ഗ്രസ്. അദാനിക്കെതിരെ പാര്‍ലമെന്ററി സമിതിയുടെ അന്വേഷണം ആവശ്യപ്പെടുമ്പോള്‍ കേന്ദ്രം ബി.ബി.സിക്ക് പിന്നാലെയാണെന്ന് എ.ഐ.സി.സി. ജനറല്‍ സെക്രട്ടറി ജയറാം രമേഷ് തുറന്നടിച്ചു.
തൃണമൂല്‍ എം.പി. മഹുവ മൊയ്ത്രയും കേന്ദ്രത്തിന്റെ നടപടിക്കെതിരെ പരിഹാസം എറിഞ്ഞു. എത്ര അപ്രതീക്ഷിതമായിരുന്ന റെയ്‌ഡെന്നായിരുന്നു മഹുവ മൊയ്ത്രയുടെ പരിഹാസം. പ്രത്യയശാസ്ത്രപരമായ അടിയന്തരാവസ്ഥയെന്ന് സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവും പ്രതികരിച്ചു. ബി.ബി.സിക്ക് മോദിയുടെ സമ്മാനമെന്ന് ബി.ആര്‍.എസ്. നേതാവ് വൈ. സതീഷ് റെഡ്ഡി പറഞ്ഞു.